Баланы оқуға қалай ынталандыруға болады? Біздің НТА мектебі бұл сұрақтың жауабы әрбір оқушымен жеке жұмыс істеу, жобалық оқу әдістемесі және кеңістік дизайнымен байланысты деп есептейді.

Жеке тәсілдеме

Бала оқуға бар ынтасын салу үшін ол ең алдымен оқу процесінен тек жағымды эмоциялар алуы тиіс. НТА-да барлық бала үшін негізгі жайлылық жүйесі енгізілген, алайда басты қағида – баланың ықыласына қарай әрбір оқушы үшін оған қажетті жайлылықты қамтамасыз ету. Бұл жерде балаларға шешім қабылдауды, өз шешімдері үшін жауапкершілік алуды және бастаған істерін соңына дейін жеткізуді үйретеді.

Жоба жұмысы

High Tech Academy оқушылары әрбір пән бойынша айғақтар жиынтығын жаттамайды, олар қазіргі заманның нақты проблемаларына негізделген пәнаралық және топтық зерттеу жобаларымен айналысады. Олар нақты ұйымдардың проблемаларын шешу, машықтану және сарапшылардан кеңес алу арқылы әлемді таниды. Жұмыс шағын топтарда өтеді, қорытынды жұмыстар мен прототиптер жалпы мектеп кеңістіктеріне қойылады және оларды қалаған адам көре алады.

Қолайлы орта

High Tech Academy оқушылары үнемі бір орында отыра бермейді – әрбір сыныпта оқу және демалыс аумағы қарастырылған, ал ғимарат ішіндегі кеңістік оның ішінде әрі-бері жүруге ыңғайлы етіп жабдықталған. Мектептің жобасына арт- және музыка мектебі, бассейн мен фитнес орталығы, би студиясы, жауынгерлік жекпе-жек залы мен көпфункциялы спорт алаңы бар балалар білім беру орталығы кіреді. Білім мен дене белсенділігі балалардың материалды жақсырақ игеруіне, толыққанды дамуына және өздерін жайлы сезінуіне көмектеседі.

Үйдің жанындағы мектеп

High Tech Academy кез келген үйден бірнеше минутта жаяу жетуге болатындай жерде Koktobe City-де орналасқан. Балаларға енді мектепке сабақтан екі сағат бұрын дайындалу қажет емес, ал ата-аналар достарымен ойнап жүріп, қараңғыға қалып кеткен балаларын уайымдамаса да болады.

Budokan Спорт және Өнер орталығы

Орталық НТА оқушыларына қосымша спорт секциялары мен көркем өнер сабақтарына қатысу мүмкіндігін қамтамасыз етуге негізделген.

Сабақтан тыс уақытта Budokan бизнес-кластың барлық талаптарына жауап беретін толыққанды спорттық және Арт-орталық болып табылады. Мұнда ең үздік жаттықтырушылар мен өз ісінің нағыз майталмандары жұмыс істейді. Белсенді жаттығулардың төмендегідей түрлерімен айналысу мүмкіндіктері қарастырылған:

1. Жаттығу залы. Зал Technogym дүниежүзілік көшбасшысының үздік жаттықтырғыш құралдарымен жабдықталған.
2. Жүзу. Біздің бассейндегі жолдардың ұзындығы 25 метрді құрайды. Мұнда барлығы 5 жол бар, олардың жұмыс қабілеттілігін испандық жабдық қамтамасыз етеді. Суды тазалаудың төрт сатылы жүйесі судың тазалығына кепілдік береді. Жүзуді ҚР үздік жаттықтырушылары үйретеді.
3. Триатлон.
4. Спорттың ойын түрлері: баскетбол, волейбол, футзал, үстел үсті теннисі, бадминтон. Бұл жаттығулардың барлығы ASB GlassFloor неміс өндірушісі шығарған Қазақстандағы жалғыз копфункциялы еден үстілік жабында өтеді.
5. Топтық бағдарламалар – аэробты, күштік, функционалды, Mind and Body бағдарламалары, сондай-ақ Les Mills лицензиялық бағдарламалары.
6. Жауынгерлік жекпе-жек бағдарламалары – бокс, Дзюдо, Джиу Джитсу, ринг орнатылған ержүректер залында өтеді.
7. Шығыс жекпе-жектері – кендо, каратэ, тхэквондо, витраж төбелі Додзё залында өтеді.
8. Биіктігі 10 метр болатын скалодром. Mountain club.

Өнермен айналысу үшін төмендегі бағыттар қарастырылған:

1. Музыка мектебі: жеке түрлері, сондай-ақ топтық сабақтар
2. Көркем өнер мектебі. Дизайн, бейнелеу өнері
3. Мүсіндеу және қыш құмыра өнері.

Budokan оқушыларға да, ересек адамдарға да қолжетімді. Koktobe City барлық тұрғындары үшін жақсы жеңілдіктер қарастырылған.